სოციალური დაცვის პროგრამები
მესტიის მუნიციპალიტეტის მერიის
2024 წლის სოციალური პროგრამები
მესტიის მუნიციპალიტეტის საკრებულოს 2023 წლის 29 დეკემბრის №23 დადგენილებით დამტკიცდა მესტიის მუნიციპალიტეტის 2023 წლის ბიუჯეტიდან სოციალური დახმარების გაცემის წესი, რომელიც განსაზღვრავს მესტიის მუნიციპალიტეტის ტერიტორიაზე რეგისტრირებული და მუდმივად მცხოვრები მოსახლეობისთვის, მესტიის მუნიციპალიტეტის ბიუჯეტიდან ერთჯერადი სოციალური დახმარების გაცემის პირობებს, პროცედურებს, მიმღებთა (ბენეფიციართა) კატეგორიებს, მათ მიერ მესტიის მუნიციპალიტეტის მერიაში დახმარების მიღების მიზნით წარმოსადგენი დოკუმენტაციის ნუსხას და დახმარების სახით გასაცემი თანხის ოდენობებს.
სოციალური დახმარების პროგრამის მიზანს წარმოადგენს პროგრამაში მონაწილე მიზნობრივი ჯგუფების სოციალურ - ეკონომიკური მდგომარეობის შემსუბუქება, ჯანმრთელობის გაუმჯობესება, დემოგრაფიული მდგომარეობის ხელშეწყობა-გაუმჯობესება, მათი წახალისება, მატერიალური და მორალური მხარდაჭერა.
მესტიის მუნიციპალიტეტის მერიის სოციალური პროგრამა მოიცავს 5 ძირითად პროგრამას და 24 ქვეპროგრამას. პროგრამები ითვალიწინებს მესტიის მუნიციპალიტეტში რეგისტრირებული მოსახლეობის როგორც ფულად დახმარებას, ასევე სერვისის მიწოდებას.