დღეს,  მესტიის მუნიციპალიტეტის საკრებულოში ჩატარდა სოციალურ საკითხთა კომისიის (თავმჯდომარე მაია ხორგუანი) სხდომა. 

 სხდომაზე განიხილეს ,,მესტიის მუნიციპალიტეტში მცხოვრებ სტუდენტთა თანადაფინანსების ფარგლებში" პროგრამის, ასევე ბენეფიციარსა და მუნიციპალიტეტს შორის გაფორმებული ხელშეკრულების საფუძველზე 

სწავლის საფასურის დაფინანსების საკითხი გიორგი ჯაფარიძისთვის, რომელიც სწავლობს სარეზიდენტურო პროგრამაზე ზოგადი ქირურგიის მიმართულებით.

 ხელშეკრულების თანახმად, სწავლის დასრულების შემდეგ, გიორგი ჯაფარიძე ვალდებული იქნება მოემსახუროს შპს ,,მესტიის საავადმყოფო-ამბულატორიულ გაერთიანებას", რის შემდეგაც ქირურგიულ განყოფილებაში რაიონს ეყოლება ადგილობრივი კადრი.